Sigal Prishtina nuk po kalon në formë aspak të mirë, ku ka pësuar pesë humbje me radhë në të gjitha garat.

Fillimisht nisi me humbjen nga Trepça në finalen e Kupës së Kosovës, e vazhdoi me tjetër disfat në Ballkan Ligë nga Peja, shkruan Arbresh.info.

Kurse forma dëshpëruese vazhdoi edhe në Superligën e Kosovës, ku fillimisht u mposhtën nga Prizreni, pastaj sërish nga Trepça.

Ndërsa humbja tjetër erdhi mbrëmë me Yllin që ishte e pesta me radhë.

E kjo ndeshje do të dilte se do të jetë e fundit për trajnerin kroat Jaksa Vulic i cili mëngjesin e ditës së sotme u shkarkua nga Sigal Prishtina.

Kryeqytetasit kanë humbur edhe vendin e tretë në tabelën e Superligës së Kosovës ku tani ndodhen në pozitën e katërt me 14 fitore e 10 humbje.

Shkarkimi i Vulicit vjen pak para se të filloj faza më e rëndësishme e basketbollit kosovar, që është Play-Offi.

Prishtina, play-offin do ta nis nga cerekfinlja dhe kjo është tani më edhe zyrtare, ndërsa tani do të ketë edhe një trajner të ri./Arbresh.info/